ការមានផ្ទៃពោះទាំងមិនទាន់ចង់បានជារឿងមួយគួរឲ្យបារម្ភបំផុត ដែលអាចផ្លាស់ប្តូរជីវិតរបស់អ្នកភ្លាមៗ។ ដំណោះស្រាយល្អ ដើម្បីការពារពីការមានផ្ទៃពោះត្រូវតមការរួមភេទ អ្នកលែងប្រឈមមុខនឹងបញ្ហាមានផ្ទៃពោះឡើយ។ ប្រសិនបើអ្នកសម្រេចចិត្តថារួមភេទ យល់ល្អត្រូវសួរខ្លួនឯងសិនថា តើអ្វីដែលអ្នកអាចធ្វើបានដើម្បីការពារពីការមានផ្ទៃពោះ។
ខាងក្រោមនេះជាវិធីបែបធម្មជាតិ ៥យ៉ាងដែលអ្នកគួរតែអនុវត្តតាម៖
កុំជ្រួលជ្រើមតាមគេ
មនុស្សជំទង់ជាច្រើនអាចជ្រួលជ្រើម នៅពេលឃើញមិត្តភក្តិចាប់ផ្តើមមានមិត្តប្រុស ឬចាប់ផ្តើមការរួមភេទ។ អ្នកដែលចាប់ផ្តើមធ្វើរឿងទាំងនេះឆាប់រហ័ស អាចនិយាយធ្វើឲ្យអ្នកដទៃជ្រួលជ្រើមតាម។
ទោះបីជាយ៉ាងណា ប្រសិនបើអ្នកអាចអត់ទ្រាំ ហើយរង់ចាំរហូតដល់ពេលមួយដែលអ្នកដឹងថា អ្នកបានត្រៀមខ្លួនរួច អ្នកនឹងមានក្តីសុខ។ វាមានន័យថា អ្នកនឹងរង់ចាំមនុស្សដែលសក្តិសម និងពេលវេលាដ៏ត្រឹមត្រូវមួយ។
រៀននិយាយ
ត្រូវនិយាយថា ទេចំពោះអ្វីដែលធ្វើឲ្យអ្នកគ្មានសេចក្តីសុខ។ មិនថា វាជាការបដិសេធការមានមិត្តប្រុស, ភាពស្និតស្នាលខាងរាងកាយ, ការរួមភេទ ឬការរួមភេទដោយមិនបានការពារ។
វិធីដែលមានសុវត្ថិភាព ១០០% ដើម្បីគេចផុតពីការមានផ្ទៃពោះគឺ មិនត្រូវរួមភេទ។
ស្វែងយល់ពីប្រសិទ្ធិភាពខុសគ្នារបស់ថ្នាំពន្យាកំណើត
ថ្នាំពន្យាកំណើតទាំងអស់ត្រូវបានផលិតឡើងមិនដូចគ្នាទេ។ ថ្នាំមួយចំនួនអាចមានប្រសិទ្ធិភាពប្រសើរជាងថ្នាំផ្សេង ហើយថ្នាំមួយចំនួនទៀតជាចំណង់ចំណូលចិត្តរបស់បុគ្គលផ្សេងៗគ្នា ទៅតាមមូលហេតុខុសៗគ្នា។ វាអាចជួយឲ្យយើងបានដឹងតិចតួចអំពីរូបរាងរបស់ថ្នាំ និងប្រសិទ្ធិភាពរបស់វា។
១. ការប្រើស្រោមអនាម័យជួបនឹងបរាជ័យ ១៧% ភាគច្រើនដោយសារការប្រើវាមិនបានត្រឹមត្រូវ ហើយការខុសបច្ចេកទេសផលិតកម្រនឹងកើតមានណាស់។
២. ថ្នាំគ្រាប់ពន្យាកំណើតដោយការពារវដ្តនៃការបង្កកំណើរបស់ស្ត្រី។ មានប្រហែលជា ៨% អាចមានផ្ទៃពោះពេលប្រើថ្នាំនេះ។ តែទោះបីជាយ៉ាងណា ការប្រើប្រាស់ថ្នាំបានត្រឹមត្រូវអាចជោគជ័យបាន ៩៩% ក្នុងការការពារមិនឲ្យមានផ្ទៃពោះ។
៣. ដាក់ឧបករណ៏រាងអក្សរ T ក្នុងស្បូន ជួបនឹងបរាជ័យតិចជាង ១%។ ការដាក់ឧបករណ៏នេះអាចរក្សាបានរយៈពេល ១០ឆ្នាំ។
អ្នកត្រូវប្រាកដខ្លួនឯងថា តើប្រភេទការពន្យាកំណើតណាមួយដែលគ្មានប្រសិទ្ធិភាព
ដូច្នេះខាងក្រោមនេះជាវិធីដែលអ្នកគួរចៀសវាង។ រឿងទាំងនេះអាចកាត់បន្ថយអត្រានៃការមានផ្ទៃពោះតិចតួច ប៉ុន្តែមិនមែនជាវិធីពន្យាកំណើតដ៏មានប្រសិទ្ធិភាពឡើយ៖
១. គម្រោងគ្រួសារធម្មជាតិ
នេះជាពេលដែលអ្នកប្រើវដ្តរដូវរបស់អ្នក ឬសីតុណ្ហភាពដើម្បីជួយទស្សទាយ៏មើលថា នៅពេលណាអ្នកនឹងអាចបង្កកំណើតបាន និងនៅពេលណាអ្នកអាចមានកូនតិចតួចបំផុត។ វាទាមទារការប្តេជ្ញាចិត្ត ហើយវានឹងមានប្រសិទ្ធិភាពប្រសិនបើប្រើវាបានត្រឹមត្រូវ។ ជាពិសេស វានឹងកាន់តែគ្មានប្រសិទ្ធិភាពចំពោះក្មេងជំទង់ ព្រោះវដ្តរដូវរបស់ពួកគេអាចពិបាកនឹងទស្សទាយ៏។
២. វិធីដកអាអូនតូចចេញនៅពេលជិតសម្រេចទឹកកាម
នេះជាវិធីដែលបុរសត្រូវដកអាអូនតូចេញ មុនពេលបាញ់ទឹកកាម។ នេះជាវិធីដែលមិនគួរឲ្យទុកចិត្តបំផុត ព្រោះមុននឹងបាញ់ទឹកកាមចេញ វាអាចមានលេចេញមុនពេលសម្រេចទឹកកាម ដែលអាចបណ្តាលឲ្យមានផ្ទៃពោះបាន។ ហើយនេះក៏ជាអ្វីដែលអ្នកត្រូវទុកចិត្តលើការគ្រប់គ្រងលើខ្លួនគាត់ផ្ទាល់។
ដឹងពីវិធីដែលត្រូវធ្វើប្រសិនបើមានផ្ទៃពោះកើតឡើង
ប្រសិនបើអ្នកគិតថា អ្នក ឬគូស្នេហ៏របស់អ្នកអាចនឹងមានផ្ទៃពោះ អ្នកត្រូវទៅធ្វើតេស្តមើលផ្ទៃពោះឲ្យបានឆាប់បំផុតអ្វីដែលសំខាន់ ត្រូវទៅពិនិត្យមើលឲ្យបានឆាប់ ព្រោះវាអាចមានជម្រើសច្រើនដែលត្រូវធ្វើ។
១. ដើម្បីគេចផុតពីការមានផ្ទៃពោះបាន មានរឿងតែម្យ៉ាងគត់ដែលអ្នកអាចធ្វើបាន គឺរំលូតកូនចេញ។
២. តែទោះបីជាយ៉ាងណា អ្វីដែលសំខាន់ត្រូវដឹងពីជម្រើសផ្សេងៗទៀតដែលអ្នកអាចធ្វើបានដូចជា ទៅយកកូនចេញ ឬសម្រេចចិត្តទុកកូន និងចិញ្ចឹមវាដោយខ្លួនឯង៕
0 វាចារ:
Post a Comment