Sony បញ្ចេញកាមេរ៉ាស៊េរីថ្មី មានទំហំ 24 មេហ្គាភិចសែលនិងមានតម្លៃ 650$

ថ្មីៗនេះ ក្រុមហ៊ុន Sony នៅប៉ែក ខាងអឺរ៉ុប បានដាក់ បង្ហាញនូវ កាមេរ៉ាថតរូប ស៊េរីថ្មី មួយគ្រឿង របស់ខ្លួន ដែលមាន រាងស្អាត និងតូចស្រឡូន ផ្តល់ភាព ងាយស្រួល ក្នុងការ ចាប់កាន់ ថតរូប មែនទែន។ កាមេរ៉ា ថតរូបមួយ នេះដែរ មានឈ្មោះថា Sony a68 SLT ជាប្រភេទ កាមេរ៉ា DSLR អាចធ្វើការ Focus បានដល់ទៅ 79 ស្រទាប់ ឯណោះ។

Sony a68 SLT មានកាមេរ៉ាទំហំ 24 មេហ្គាភិចសែល អាចថតរូប បានយ៉ាងច្បាស់ ហើយចំណែកឯ ការថត វីដេអូវិញ វាអាច ថតបាន ត្រឹមតែកម្រិត Full HD (1080p) ប៉ុណ្ណោះ តែក៏ច្បាស់ល្អ ផងដែរ។ បន្ថែមពីនេះ វាក៏នៅមាន លក្ខណៈសម្បត្តិ ជាច្រើនទៀត ហើយដើម្បី ស្វែងយល់ អោយកាន់តែ ច្បាស់នោះ សូមតាមដាន ការបង្ហាញ លក្ខណៈសម្បត្តិ ខាងក្រោមនេះ ទាំងអស់គ្នា!

លក្ខណៈសម្បត្តិ Sony a68 SLT៖

ស៊ិនស័រ

កាមេរ៉ាទំហំ 24 មេហ្គាភិចសែល ដែលអាចថតរូប បានដល់ទំហំ (6000 x 4000) ភិចសែល ក្នុងសមាមាត្រ 3:2 និង 16:9
ស៊ិនស័រ ជាប្រភេទ CMOS (មានពណ៌ Filters សម្រាប់ជ្រើសរើស)
ដំណើរការដោយ Processor Bionz X

រូបភាព

ISO ជាប្រភេទ Auto អាចកែសម្រួលបាន ចាប់ពី 100 ដល់ 25600
រូបភាពជាប្រភេទ File RAW និង JPEG

អេក្រង់

អេក្រង់របស់វាមានទំហំ 2.7 អ៊ីញ
មិនមាន Touchscreen តែអាចបត់បែនបាន

មុខងារបន្ថែមសម្រាប់ជំនួយការថតរូប

អប្បបរិមា នៃល្បឿន Shutter Speed 30 វិនាទី និងអតិបរិមា 1/4000 វិនាទី
វាក៏មានភ្ជាប់មកជាមួយនឹងភ្លើង Flash ផងដែរ ហើយអ្នក ក៏អាច បំពាក់បន្ថែម Flash បានផងដែរ

ថតវីដេអូ

អាចថតដល់ទំហំ 1920 x 1080 (60i/30p/24p), 14440 x 1080 និង 640 x 480
ជាប្រភេទ MPEG-4, AVCHD និង XAVC S
Microphone ប្រើប្រាស់ជា Stereo ឯ Speaker ប្រើប្រាស់ជា Mono

លក្ខណៈសម្បត្តិផ្សេងៗទៀត

កាតផ្ទុកទិន្នន័យជាប្រភេទ SD/SDHC/SDXC និង Memory Stick Pro Duo
មានរន្ធ USB 2.0, រន្ធ micro-HDMI, Remote Control
មានទម្ងន់ 610 ក្រាម និងវិមាត្រ 143 x 104 x 81 មីលីម៉ែត្រ

កាមេរ៉ា Sony a68 SLT មួយនេះ នឹងត្រៀម ដាក់លក់ នៅលើ ទីផ្សារ ក្នុងឆ្នាំ 2016 ខាងមុខនេះ ហើយ ជាមួយនឹង តម្លៃតែតួខ្លួន $650 ប៉ុណ្ណោះ។ ចុះចំណែក ប្រិយមិត្ត ទាំងអស់ គ្នាវិញ យល់យ៉ាង ណាដែរ ចំពោះកាមេរ៉ា ស៊េរីថ្មី មួយនេះ? អាចបញ្ចេញ ជាមតិ នៅខាង ក្រោមនេះ បានណា!